Shu yilning 29-noyabr kuni Istanbulda sodir bo‘lgan kuchli shamol natijasida ko‘p qavatli uylardan birining tom qismida yashayotgan o‘zbek oilasining 3 a’zosini tom bosib qolgan. Hodisa natijasida bir kishi (ayol, bir farzandi bor) voqea joyida olamdan o‘tgan edi. Bu haqda Facebook faollaridan biri Sanjar Said ma’lum qilmoqda.

Xabarda aytilishicha, jabrlanganlardan biri – Sh. B (ayol, 1984-yilda Surxondaryo viloyatida tug‘ilgan, ikki farzandi bor) voqea sodir bo‘lgan kuni olgan tan jarohati natijasida koma holatiga tushib qolgan.
Joriy yil 21-dekabr kuni Sh.B. hayotdan ko‘z yumgan. 

Marhumaning yaqinlari uning jasadi hamda qizini parvarishlash uchun O‘zbekistondan yetib kelgan onasi va uch go‘dakning Vatanga qaytishi uchun Turkiyadagi “Yelkadosh” o‘zbeklar jamiyatiga murojaat qilgan yordam so‘rgan. 

Moddiy imkoni borlar vatandoshlarni qo‘llab-quvvatlashga chaqirilmoqda.

• O‘zbekiston
• Taʼziya
• Turkiya