Ma’lumotlarga ko‘ra, Turkiyaning Denizli shahridagi universitet shifoxonasiga kiraverishdagi kafeteriyda otishma yuz bergan. Bu haqda Turkiyaning “NTV” telekanali xabar berdi.

“Denizlida ikki kishi Pamukqal’a universiteti shifoxonasining tez yordam bo‘limiga kiraverishdagi kafeteriyda qurolli hujum uyushtirdi”, deyiladi xabarda.

Dastlabki ma’lumotlarga ko‘ra, yetti kishi jabrlangan, ulardan ikki nafarining ahvoli og‘ir. Voqea joyidan 15 dona bo‘sh patron topilgan.

“Voqea joyiga ko‘p sonli politsiya guruhlari yuborildi. O‘t ochganlar qochib ketdi”, deyiladi xabarda.

Denizli gubernatorligining ma’lumotiga ko‘ra, voqea yuzasidan keng ko‘lamli tergov boshlangan. Gumondorlarni qo‘lga olish harakatlari davom etmoqda.

• Otishma
• Turkiya
• shifoxona