Turkiya Ichki ishlar vaziri Ali Yerliqoyaning ma’lum qilishicha, bundan buyon xorijiy davlat fuqarolaridan Turkiyaga kirishda barmoq izlari olinadi.

Qayd etilishicha, vaqtinchalik himoyalangan maqomga ega boʻlganlarning, birinchi navbatda suriyaliklarning shaxsiy guvohnomalari chiplanadi. Ushbu guvohnomalarni soxtalashtirish mumkin boʻlmaydi.

Shuningdek, yangi tugʻilgan chaqaloqlar Turkiya fuqarosiga aylanmaydi. Vazir Yerliqoya 13 yil ichida Turkiya fuqaroligini olgan suriyaliklar sonining 238 ming 733 nafar ekanligini va bu kishilarning Turkiyada biznes yoki ish kuchiga katta hissa qoʻshganligini bildirgan.

Bundan tashqari, mamlakatga o‘qish uchun kelgan chet ellik talabalar viloyat immigratsiya boshqarmasiga bormasdan, universitet orqali yashash uchun ariza berishlari mumkinligi ham ta’kidlandi.

• Turkiya