Anqarada turkiyzabon olimlarning kongressi ish boshlagan.

Turkiya turizm va madaniyat vazirligi tashkil etgan tadbir turk tilida so‘zlashuvchi barcha xalqlarning tili va madaniyatini rivojlantirishga qaratilgan. O‘zbekiston delegatsiyasi tarkibida bo‘lgan tilshunos Eldor Asanov o‘zining Telegram kanalida taaasurotlari bilan o‘rtoqlashdi.

“Turkolog uchun tayyor tadqiqot maydoni. Xitoylik qozoq, kiprlik turk, afg‘onistonlik o‘zbek, ruminiyalik qrimtatar, xullas, eng noyob turkiy tilli diasporalar va guruhlardan vakillar bor ekan” – deb yozgan Asanov.

Anqaradagi yangi va hashamatli milliy kutubxonada ish boshlagan anjuman bir necha kun davom etadi. Unda tilning o‘ziga xosligi,til o‘zligini saqlash yo‘lidagi muammolar va ularni birgalikda hal etish yo‘lidagi hamkorlik masalalari ko‘tariladi.

• O‘zbekiston
• Turkiya
• Turkiyzabon