20-noyabr kuni Turkmanobod shahrida ikkinchi turkman-o‘zbek mintaqalararo forumi doirasida tashkil etilgan Made in Uzbekistan ko‘rgazmasining tantanali ochilishi bo‘lib o‘tdi.

Ochilish marosimida O‘zbekiston savdo-sanoat palatasi raisining o‘rinbosari Dilshod Rasulov, Turkmaniston savdo-sanoat palatasi raisi Mergen Gurdov, shuningdek, vazirlik va idoralar rahbarlari, ikki mamlakat ishbilarmon doiralari vakillari ishtirok etdilar.

O‘zbekiston milliy stendi xalqaro standartlarga javob beradigan innovatsion ishlanmalar va yuqori sifatli mahsulotlarni taqdim etdi.

Ko‘rgazma qishloq xo‘jaligi, qurilish, turizm, avtomobilsozlik, kimyo, farmatsevtika, neft va gaz, to‘qimachilik, ipak, charm-poyabzal va oziq-ovqat sanoati kabi ko‘plab sohalarni qamrab oldi.

• Madaniyat
• O‘zbekiston
• Turkmaniston