Turkmanistonda 8-mart Xalqaro xotin-qizlar bayrami munosabati bilan qiz va ayollarga prezident Serdar Berdimuhamedov nomidan pul sovgʻalari topshirilmoqda. Bu haqda “Turkmaniston: Oltin asr” xabar berdi.

Qayd etilishicha, bogʻcha tarbiyalanuvchilariga birinchilardan boʻlib prezidentning pul sovgʻalari topshirilgan.

Prezident farmoniga koʻra, sovgʻalar 1-martdan 6-martgacha tantanali ruhda topshirilishi belgilangan.

Mulkchilik shaklidan qatʼi nazar korxona, muassasa va tashkilotlarda ishlovchi, pensiya va davlat nafaqalari oluvchi, aspirantura, doktorantura va klinik ordinaturada ishdan tashqari tahsil olayotgan ayol, qizlarga 60 manat miqdorida (17 dollar) sovgʻalar beriladi.

• Prezident
• Turkmaniston
• Xotin-qizlar