10°
Kechasi 5°
Turkmanistonning Turkmanobad shahrida joylashgan S.Saidi nomidagi Pedagogik institutda joriy yilning 8-noyabrida umumiy majlis bo‘lib o‘tgan. Unda talabalarning axloqiy qiyofasi xususida gap ketgan.
Majlisda OTM rahbarlaridan tashqari shahar hokimi o‘rinbosari, shahar ta’lim boshqarmasi rahbari o‘rinbosari hamda prokuratura xodimi qatnashgan.
Majlisda chiqish qilgan OTM rektori G.Muxamedov uch talaba turkman talabasi nomiga dog‘ tushirganini aytgan. Uning keltirishicha, ikki talaba qiz polisiya tomonidan fohishalik qilayotganida, bir yigit o‘g‘irlik payti tutilgan.
Prokuratura xodimi esa internet nashrlar va ijtimoiy tarmoqning kishiga salbiy ta’siri xususida so‘zlab, talabalarga VPN ishlatmaslik va ijtimoiy tarmoqlarga kirmaslikni, qo‘l telefonini o‘qish joyiga keltirmaslikni, uyda yoki yotoqxonada qoldirishni maslahat bergan.
Bundan tashqari, ko‘pchilik talabalarning Green Card to‘ldirayotgani xususida ham gapirilgan.
"Sizlarni ogohlantiraman, agar orangizda shu kartani to‘ldirgan, yoki boshqa yo‘llar bilan mamlakatdan chiqib ketish istagida bo‘lganlar topilsa, o‘qishdan haydaladi. Biz bu yerda vatanimiz uchun kadrlar tayyorlaymiz!" – degan rektor o‘zining so‘nggi nutqida.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
