Saudiya Arabistoni yashil maydonlarida o‘tkazilayotgan U-17 Osiyo kubogi o‘z nihoyasiga yetdi. Musobaqa finalida mezbon Saudiya Arabistoni va O‘zbekiston terma jamoasi o‘rtasida chempionlik uchun keskin kurash bo‘lib o‘tdi.

Uchrashuvning 40-daqiqasida O‘zbekiston hujumchisi Nurbek Sarsenbayev, 45+2-daqiqada esa himoyachi Miraziz Abdukarimov qizil kartochka olib maydonni tark etdi. Natijada o‘zbekistonlik yoshlar ikkinchi bo‘limni 9 kishi bo‘lib o‘tkazdi.

Dramatik kechgan bahsning 51-daqiqasida himoyachi Muhammad Hakimov penaltidan hisobni ochdi. 71-daqiqada esa Sadriddin Hasanov ikkinchi golni kiritdi. 45 daqiqadan ziyod 11 futbolchiga qarshi 9 kishi harakat qilgan yigitlar o‘yin so‘ngida chempionlikni qo‘lga kiritdi.

• Futbol
• O‘zbekiston