Dilshod Mirxanov Namangan viloyatining Uchqo‘rg‘on tumaniga hokim etib tayinlandi. Bu haqda viloyat hokimligi matbuot xizmati ma’lum qildi.

Qayd etilishicha, bugun, 14-iyun kuni bo‘lib o‘tgan xalq deputatlari Uchqo‘rg‘on tumani Kengashining navbatdan tashqari sessiyasida tashkiliy masala ko‘rilgan va unda deputatlar viloyati hokimining Uchqo‘rg‘on tumani hokimi Muhammad Abduhakimovich Haydarovni lavozimidan ozod etish to‘g‘risidagi qarorini bir ovozdan ma’qullab, Dilshod Abdullayevich Mirxanovni tuman hokimi etib tayinlash to‘g‘risidagi qarorini tasdiqladi. 

Shundan so‘ng viloyat rahbari keyingi yillarda Uchqo‘rg‘on tumanida olib borilgan ishlar, erishilgan yutuqlar barobarida, islohotlarni amalga oshirishda yo‘l qo‘yilgan xato va kamchiliklarni sohalar bo‘yicha birma-bir tahlil qilgan.

Muzokarada so‘zga chiqqanlar tumanning yangi rahbari atrofida jipslashib, hududni obod qilish, aholi turmush farovonligini yanada oshirishga hissa qo‘shishlarini ta’kidladilar.

• Namangan
• hokim