Tadbirkor sifatida ro‘yxatdan o‘tmagan fuqaro iste’molga yaroqsiz pishloqlarni 8 100 AQSh dollariga sotgan vaqtda ushlangan. Bu haqda Prokuratura Departamenti matbuot xizmati xabar berdi.

Ma’lum qilinishicha, Bosh prokuratura huzuridagi Departamentning Uchtepa tuman bo‘limi va tuman soliq inspeksiyasi xodimlari hamkorligida Xondamir ko‘chasida joylashgan savdo shoxobchasida o‘tkazilgan tekshiruvda tadbirkor sifatida davlat ro‘yxatidan o‘tmagan fuqarolar Sh.U., M.U. va boshqalar iste’molchilarning sog‘lig‘i xavfsizligi talablariga javob bermaydigan xorijda ishlab chiqilgan umumiy bahosi 102,3 mln so‘mlik 905 kg pishloq mahsulotini fuqaro B.A.ga 8 100 AQSh dollariga sotgan vaqtida ashyoviy dalillar bilan ushlangan.

Hozirda mazkur holat yuzasidan Jinoyat kodeksining 186-moddasi (xavfsizlik talablariga javob bermaydigan tovarlarni o‘tkazish maqsadini ko‘zlab ishlab chiqarish, saqlash, tashish yoxud o‘tkazish, ishlar bajarish yoki xizmatlar ko‘rsatish) bilan jinoyat ishi qo‘zg‘atilib, tergov harakatlari o‘tkazilmoqda.

• Toshkent
• Uchtepa
• savdo