Dekabr oyida Vashingtonda Ukraina va AQSh o‘rtasida mudofaa bo‘yicha qo‘shma konferensiya o‘tkaziladi, unda sanoat va hukumat vakillari ishtirok etishi kutilmoqda. Bu haqda prezident Vladimir Zelenskiy o‘zining navbatdagi murojaatida ma’lum qildi.

Ukraina prezidenti so‘zlariga ko‘ra, tadbir sentyabr oyida Kiyev mezbonlik qilgan Mudofaa sanoati forumining davomi hisoblanadi.

“Qo‘shma Shtatlar bilan hamkorlikda qurol ishlab chiqarish yo‘lida faol ish olib boryapmiz. Vashingtonga tashrifim davomida prezident Bayden bilan birgalikda amalga oshirishimiz mumkin bo‘lgan aniq vazifalar haqida kelishib olgandik. Va bu amerikaliklarni ham, bizni ham, shuningdek, sheriklarimizni ham kuchaytirishga xizmat qiladi”, — deydi Zelenskiy.

Prezident ofisi rahbari Andrey Yermakka ko‘ra, mudofaa sanoatiga bag‘ishlangan konferensiya ikki kun davom etadi. U 2023-yilning 6-7-dekabr kunlari o‘tkaziladi. Tadbir davomida hamkorlikda qurol ishlab chiqarish imkoniyati o‘rganiladi.

O‘z navbatida Oq uy Milliy xavfsizlik kengashi matbuot kotibi Edrien Uotson konferensiya AQShning Ukrainani qo‘llab-quvvatlashga qaratilgan sa’y-harakatlari doirasida tashkil etilmoqda.

• AQSh
• Konferensiya
• Qurol
• Ukraina