Ukraina kelajakda NATOga qo‘shiladi va Britaniya allaqachon ushbu mamlakatning alyans bilan yaqinlashish ustida ishlamoqda. Bu haqda Buyuk Britaniya bosh vaziri Rishi Sunakning o‘zi ma’lum qilgan.

Sunakning ta’kidlashicha, Britaniya Ukraina armiyasi NATO standartlariga mos kelishi uchun barcha imkoniyatlarni ishga solmoqda.

“Men NATO Bosh kotibining Ukraina alyansga a’zo bo‘lishi haqidagi fikriga qo‘shilaman. Biz Ukrainani nafaqat hozir, balki uzoq muddatda ham qo‘llab-quvvatlashni davom ettirish rejasi borligiga ishonch hosil qilishimiz kerak. Ideal holda, NATO a’zosi bo‘lish, standartlarga javob beradigan qurol-yarog‘lar ko‘proq bo‘lishi kerak, shuningdek, turli mamlakatlarning barcha kuchlari bir-biriga mos bo‘lishi shart”, – dedi Sunak.

Bosh vazirning qayd etishicha, buning uchun Britaniya ukrainalik uchuvchilarni NATO standartlari bo‘yicha tayyorlaydi.

Eslatib o‘tamiz, avvalroq prezident Vladimir Zelenskiy Ukraina ikki yildan keyin Yevropa Ittifoqiga to‘laqonli a’zo bo‘lishi mumkinligini, biroq NATOga qo‘shilish urushdagi g‘alabadan keyin amalga oshishini aytgan edi.

• Bosh vazir
• Buyuk Britaniya
• NATO