Zelenskiy Ukrainaning NATOga a’zo bo‘lishi uchun Rossiya bilan urushni to‘xtatishga tayyorligini bildirgan. Ukraina prezidenti bu haqda “Sky News” telekanaliga bergan intervyusida aytib o‘tgan.

Uning ta’kidlashicha, bu keyinroq bosib olingan hududlarni diplomatik yo‘l bilan qaytarish bo‘yicha kelishib olish imkonini beradi.

“Urushni to‘xtatmoqchi bo‘lsak, nazoratimizdagi Ukraina hududi NATOga a’zo bo‘lishi kerak”, degan Zelenskiy.

Zelenskiyning fikricha Ukrainaning kelajakdagi xavfsizligi NATOga qo‘shilish bilan bog‘liq. Hududlarning barchasi harbiy yo‘l bilan ozod etilmasa ham, alyansga a’zolik diplomatik yo‘llar bilan bosib olingan hududlarni qaytarishga yordam berishi mumkin.

• NATO
• Ukraina
• Zelenskiy