Rossiyaning bir qator hududlari Ukraina Qurolli Kuchlarining uchuvchisiz uchoqlari tomonidan ommaviy hujumga uchradi. Bu haqda Rossiya Federatsiyasi Mudofaa vazirligi xabar berdi.

Agentlik maʼlumotlariga koʻra, uchuvchisiz samolyotlar Moskva, Ryazan, Kaluga, Bryansk va Oryol viloyatlarida navbatchi havo hujumidan mudofaa kuchlari tomonidan tutib olingan.

Shuningdek, anneksiya qilingan Qrimdagi Sevastopol ko‘rfazi hududida dengiz dronlarining tutib olingani haqida ham xabar berilgan.

Bundan tashqari, “dronlar Pskov aeroportiga hujum qildi”, dedi Pskov viloyati gubernatori Mixail Vedernikov.

Dastlabki ma’lumotlarga ko‘ra, qurbonlar yo‘q.

Viloyat rahbarining so‘zlariga ko‘ra, Rossiya Mudofaa vazirligi kuchlari hujumni qaytargan.

Mahalliy OAVning favqulodda xizmatlarga tayanib xabar berishicha, Pskovdagi harbiy aerodromda Il-76 samolyoti shikastlangan.

“Dron hujumi natijasida toʻrtta Il-76 samolyoti shikastlangan. Yong‘in boshlandi, ikkita samolyot yonib ketdi”, – deyiladi xabarda.

• Rossiya
• Ukraina
• dron
• hujum