Vladimir Zelenskiy ukrainalik harbiylar Kursk viloyatida asirga olgan shimoliy koreyalik ikki askarning so‘roqqa tutilgani aks etgan videoni e’lon qildi.

So‘roq jarayonida KXDR askarlari qayerdaligini bilmasliklari, ularga bu faqat o‘quv mashg‘uloti deb aytilganini bildirishgan.

Shimoliy Koreya harbiylaridan o‘z yurtlariga qaytish istagi haqida so‘ralganda, ulardan biri “Ukrainada yashashni istayman”, – deya kutilmagan javobni bergan. Ikkinchisi esa vataniga qaytishni xohlashini aytgan. Zelenskiy ham Ukraina ularni Rossiyadagi ukrain asirlariga almashishga tayyorligini bildirgan.

Ma’lum bo‘lishicha, asirlarning biri 2005-yilda tug‘ilgan va 2021-yildan beri KXDR armiyasida o‘qchi sifatida xizmat qilgan. Ikkinchi harbiy asir esa 1999-yilda tug‘ilgan va 2016-yildan beri mamlakat armiyasining mergan-razvedkachisi hisoblangan.

• Harbiy
• KXDR
• Rossiya
• Ukraina
• urush faxriylari