Ukrainada qimor o‘yinlariga kirishni ta’minlaydigan 2,5 mingdan ortiq saytlar bloklandi, deya xabar berdi mamlakat bosh prokuraturasi.

Ukraina Oliy Radasining deputati Yaroslav Jeleznyak 4-aprel kuni parlament qo‘mitasi qimor o‘yinlari va lotereyalarni tartibga solish bo‘yicha komissiyani (Krail) tugatishni ma’qullaganini ma’lum qilgan edi.

“Huquqni muhofaza qilish organlari tomonidan noqonuniy resurslarni blokirovka qilish bo‘yicha yuborilgan tavsiyalar natijalariga ko‘ra, qimor o‘yinlari faoliyatini ta’minlaydigan va tegishli litsenziyasiz onlayn kazino resurslarini joylashtiradigan 2500 dan ortiq veb-saytlar bloklangan”, – deyiladi bosh prokuratura saytida.

• Qimor
• Ukraina