16-mart kuni Ukrainaning Sumi viloyati shimoliy tumanlarida 200 ga yaqin odam, jumladan, 26 nafar bola evakuatsiya qilindi. Bu haqda “Euronews” nashri xabar berdi. Xabarda aytilishicha, aksar aholi Velikaya Pisarevka tumanidan ko‘chirilgan. Evakuatsiya qilinganlarning 26 nafari esa bolalar bo‘lgan.

Sumi viloyati Rossiya bilan chegaradosh bo‘lib, so‘nggi kunlarda Rossiya tomonidan kuchli o‘qqa tutilishi kuzatilmoqda. Mamlakat shimolida yangi urush nuqtalari paydo bo‘lishi mumkinligi ehtimoli sabab, aholi bosqichma-bosqich ko‘chirilishi rejalashtirilgan.

So‘nggi ikki kun ichida Rossiyaning Odessa va Xarkov hududlariga hujumi kuchaygan. Oqibatda 21 kishini vafot etgan, kamida 73 kishi yaralangan. Sumi shimolida ham rus askarlari to‘planishi kuzatilgan.

Rossiya Belgorod viloyatining Ukraina bilan chegaradosh hududlarida xavfsizlik choralarini kuchaytirgani xabar berilgan. Belgorod Ukrainaning Sumi viloyati bilan chegaradosh. Ikki viloyat chegarasida so‘nggi bir oyda 12 bor hujum sodir etilgan.

• Evakuatsiya
• Rossiya
• Ukraina