Ukraina–Rossiya urushi tugagan taqdirda ham Moskva bilan munosabatlar normal holatga qaytmaydi. Bu haqda NATO bosh kotibi Yens Stoltenberg ma’lum qildi.

"Biz qabul qilishimiz kerakki, bu urushning tugashi Rossiya bilan munosabatlarimiz normal holatga qaytishni anglatmaydi. Orqaga qaytish yo‘q. NATO a'zolari mudofaa xarajatlarini oshirishi kerak, chunki "xavfliroq dunyo"da xavfsizlik buni talab qiladi", - deydi u.

Shu munosabat bilan Stoltenberg “Ukrainani qo‘llab-quvvatlash, NATOning o‘z xavfsizligini taminlash” ekanligiga ishonch bildirdi.

“Ukrainani qo‘llab-quvvatlaganimiz eskalatsiya xavfini oshiradi, degan qo‘rquvni eshitaman. Ammo… endi xavf-xatarsiz variantlar yo'q. Hech kimda shubha bo‘lmasin: eng katta xavf – agar (Rossiya prezidenti Vladimir – tahr.) Putin Ukrainada g‘alaba qozonishidir”, — deya xulosa qildi Bosh kotib.

• Bosh kotib
• NATO