31°
Kechasi 18°
Din ishlari bo‘yicha qo‘mita tadbirkorlik subyektlaridan hajga litsenziyalar olish uchun arizalarni qabul qilishni boshlaganini e’lon qildi.
Umra tadbirlarini tashkil etish va o‘tkazish uchun litsenziya yuridik shaxslarga beriladi.
Litsenziya olish uchun taqdim etilgan hujjatlar:
- ariza. Arizada quyidagi ma’lumotlar ko‘rsatiladi: - yuridik shaxsning nomi va tashkiliy-huquqiy shakli, joylashgan yeri (pochta manzili), faoliyatni amalga oshirish joyining manzili, STIR, bank muassasasining nomi va bank hisobvarag‘i, litsenziya talabgorining litsenziya talablari va shartlariga rioya qilishga roziligi; - tadbirkorlik subyekti rahbari va xodimlarining familiyasi, ismi va otasining ismi, tug‘ilgan yili, manzili, pasport (identifikatsiyalovchi ID-karta) ma’lumotlari;
- litsenziya talabgori tomonidan Din ishlari bo‘yicha qo‘mitaning “Ziyorat” jamg‘armasiga 1 mln AQSH dollari ekvivalentidan kam bo‘lmagan miqdordagi mablag‘larni to‘langanligini tasdiqlovchi hujjat. - “Umra” tadbirlari davomida ziyoratchilarga guruh rahbari etib diniy bilim va ko‘nikmalarga ega mutaxassisni jalb qilish bo‘yicha O‘zbekiston musulmonlari idorasi bilan tuzilgan shartnoma nusxasi; - “Umra” xizmatlari ko‘rsatish bo‘yicha Saudiya Arabistoni Podshohligi Haj va umra vazirligining “Umra” litsenziyasiga ega bo‘lgan hamkor tashkilot o‘rtasida imzolanadigan shartnoma nusxasi; - ziyoratchilarni tashish va parvozlarni amalga oshirish bo‘yicha aviakompaniya(lar) tuzilgan hamkorlik shartnomasi nusxasi; - tadbirkorlik subyektining ziyoratchilarga sifatli xizmat ko‘rsatishi uchun zamonaviy jihozlangan binoda faoliyat yuritishi to‘g‘risidagi ma’lumot; - tadbirkorlik subyektining fuqarolik javobgarligini sug‘urtalashni tasdiqlovchi sug‘urta polisining mavjudligini tasdiqlovchi hujjatlar nusxasi.
Arizani ko‘rib chiqish uchun to‘lanadigan yig‘im miqdori - bazaviy hisoblash miqdorining 3 baravari.
Litsenziya berilganligi uchun davlat boji miqdori - bazaviy hisoblash miqdorining 10 baravari.
Ta’kidlanishicha, arizalar qo‘mita tomonidan 2025-yil 7-martdan 7-aprelgacha qabul qilinadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
