Qayd etilishicha, Umra ziyoratini tashkil etish va o‘tkazishga oid turizm xizmatlarini ko‘rsatmoqchi bo‘lgan taqdirda, litsenziya talabgori 100 ming AQSh dollari ekvivalentidan kam bo‘lmagan miqdordagi mablag‘larni Ekologiya, atrof-muhitni muhofaza qilish va iqlim o‘zgarishi vazirligi huzuridagi Turizm qo‘mitasining Xavfsiz turizm jamg‘armasi uchun ochilgan bank rekvizitiga zaxira qilishi kerak bo‘ladi.

"Hurmatli yurtdoshlar, Umra ziyoratiga borishda maxsus litsenziyaga ega bo‘lmagan turoperatorlar xizmatidan foydalanishda ogoh bo‘lishni va keyinchalik turli xil ko‘ngilsiz holatlarga tushib qolmaslik uchun litsenziyaga ega bo‘lgan turoperatorlar bilan hamkorlikda ishlashni tavsiya etamiz", deyiladi qo‘mita xabarida.

Mazkur ro‘yxatda turoperatorlar ishlash sifati bo‘yicha saralangan. Reytingda mijozlarning turfirma xodimlari tajribasi hamda muomala madaniyatidan, ziyorat haqida ma’lumotlarni to‘liq taqdim etishidan, dastur amalda to‘liq bajarilishi talablaridan kelib chiqib tuzilgan.

• Qaror
• Umra
• ziyoratgoh