Adliya vazirligi va Konstitutsion sud hamkorligida fuqarolarning konstitutsion huquqlarini bilish darajasini oshirish maqsadida Umummilliy Konstitutsiya imtihoni o‘tkaziladi.

Imtihonda 15 yoshga to‘lgan barcha fuqaro qatnashish imkoniyatiga ega. Imtihondan muvaffaqiyatli o‘tgan fuqarolarga katta pul mukofotlari va’da qilinmoqda: 1-o‘ringa – 15 mln, 2-o‘ringa – 10 mln, 3-o‘ringa – 5 mln.

Imtihon ikki bosqichda amalga oshiriladi. Joriy yilning 1-dekabrida 9:00 dan 13:00 gacha onlayn rejimda o‘tadigan imtihonda har bir qatnashuvchiga 20 ta test savoli va bitta ijodiy topshiriq beriladi. Ikkinchi turga esa savollarga hammadan oldin javob bergan, ijodiy topshiriqni ham o‘zgacha topshirgan 10 nafar fuqaro o‘tadi.

Umummilliy Konstitusiya imtihonida qatnashish uchun 8-dekabr.adliya.uz saytidan ro‘yxatdan o‘tish talab qilinadi. Ro‘yxatdan o‘tish muddati bugundan to 30-noyabrgacha davom etadi.

• Adliya
• Konstitutsiya
• O‘zbekiston