UNICEF Suriyada epidemiya xavfi haqida ogohlantirdi.

Tashkilotning Yaqin Sharq va Shimoliy Afrika bo‘yicha mintaqaviy vakolatxonasi vakili Ammar Ammar Suriya xalqi birinchi navbatda ichimlik suvi va oziq-ovqatga muhtojligi hamda zilziladan so‘ng mamlakatda epidemiya rivojlanishidan xavotirda ekanini ma’lum qildi.

“Agar hozir chora ko‘rmasak, millionlab odamlarga ta’sir qilishi mumkin bo‘lgan epidemiyadan qo‘rqishimizga to‘g‘ri keladi”, – dedi janob Ammar “Al-Jazira” telekanaliga bergan intervyusida.

Qayd etish mumkin, 6 fevralga o‘tar kechasi bir nechta kuchli zilzilalar sodir bo‘lib, magnitudasi 7,8 ballga yetdi. Hozirda Turkiyada 20 000 dan ortiq, Suriyada 3 000 dan ortiq odam halok bo‘lgan.

BMT Bosh kotibi vakili Stefan Dyujarrik avvalroq Suriyadagi vaziyatni halokatli deb atagan edi. Suriya prezidenti Bashar al-Assad esa Gʻarb davlatlarini vaziyatni siyosiylashtirganlikda aybladi.

• Suriya
• UNICEF