Jinoyat ishlari bo‘yicha Urganch shahar sudi tomonidan 1978-yilda tug‘ilgan I.I.ga nisbatan maʼmuriy ish ko‘rib chiqildi.

I.I. xususiy korxonada haydovchi lavozimida ishlab, qo‘shimcha ravishda korxonaga tegishli monitorlarga reklama joylash vazifasini bajarib kelgan. 31-mart kuni I.I. Urganch shahrining Al-Xorazmiy va Xonqa ko‘chasi chorrahasida o‘rnatilgan reklama monitoriga 20 tadan ortiq videomaterialni joylagan va monitorda pornografik mazmundagi video namoyish etilishiga ham sababchi bo‘lgan.

Sud huquqbuzarning ko‘rsatmasi, ishga doir hujjatlarni o‘rganib qaror qildi. Unga ko‘ra I.I. Maʼmuriy javobgarlik to‘g‘risidagi kodeksning 189-moddasida ko‘rsatilgan huquqbuzarlikni sodir etgan deb topildi va bazaviy hisoblash miqdorining 50 baravari (13 mln. 500 ming so‘m) miqdorida jarimaga tortildi.

Videomateriallarni monitorga joylashda foydalanilgan mobil telefon va simsiz internet tarmog‘iga ulanish apparati davlat foydasiga musodara qilindi.

• Pornografiya
• Urganch
• Xorazm
• reklama