UzAuto Motors Chevrolet Cobalt avtomobillari yangi versiyalari sotuvi 2025-yil 3-noyabrdan boshlanishini e’lon qildi.

Kompaniya matbuot xizmatining bildirishicha, yangi versiyadagi avtomobillarning ko‘rgazma namunalari allaqachon dilerlik markazlariga yetkazib berilgan bo‘lib, mijozlar ular bilan tanishib, xarid qilish to‘g‘risida qaror qabul qilishlari mumkin.

Chevrolet Cobalt avtomobillariga bo‘lgan yuqori talab va mijozlardan kelib tushayotgan ko‘plab so‘rovlarni inobatga olgan holda, shuningdek, ortiqcha ajiotajning oldini olish maqsadida, ushbu avtomobillarga kontraktatsiya jarayoni onlayn tarzda amalga oshiriladi.

Onlayn shartnoma tuzish jarayonida Chevrolet Cobalt avtomobillarining barcha komplektatsiyalari, shu jumladan ikkita yangi komplektatsiya ham mavjud bo‘ladi.

2025-yil 3-noyabr soat 10:00 dan boshlab mijozlarga Chevrolet Cobalt uchun onlayn kontraktatsiya ochiladi va uzavtosavdo.uz sayti hamda UzAvtoSavdo ilovasi orqali amalga oshiriladi.

3-noyabr kuni barcha Chevrolet dilerlik markazlari yopiladi va UzAuto Motors savdo tizimidan uziladi.

• Avtomobil
• Avtomobil uchun shartnoma
• savdo