Uzbekistan Airports Astra DCS yo‘lovchi va bagajni ro‘yxatdan o‘tkazish tizimini bosqichma-bosqich joriy qilishni boshladi. Bu haqda “Uzbekistan Airports” AJ axborot xizmati xabar berdi.

Ushbu tizim bo‘yicha birinchilardan “Namangan’ xalqaro aeroporti “Уральские авиалинии” aviakompaniyasining Namangan-Moskva yo‘nalishi bo‘yicha qatnovga ushbu yangi tizim boyicha xizmat ko‘rsatdi. Bortida 222 ta yo‘lovchilari bo‘lgan samolyot bugun, mahalliy vaqt bilan 06:25 da, havoga ko‘tarilgan. Yangi ro‘yxatga olish tizimi bo‘yicha ikkinchi qatnov ham 12-yanvar kuni soat 03:00da Namangan aeroportidan Yekaterinburgga amalga oshiriladi.

“Ilgari barcha aeroportlar milliy aviakompaniyaning bitta ro‘yxatdan o‘tish tizimidan foydalanardi. Keyinchalik aeroportlar uchun o‘zlarining ro‘yxatga olish tizimiga ega bo‘lish ehtiyoji tug‘ildi. Uzbekistan Airports Sirena Travel kompaniyasining Astra DCS tizimini tanladi. O‘zbekistonning barcha 11 ta xalqaro aeroportlarida, o‘zining ro‘yxatga olish tizimiga ega bo‘lmagan barcha aviakompaniyalar uchun ham, ushbu tizimga o‘tish bosqichma-bosqich otiladi. Astra DCS tizimi grafik interfeysga ega bo‘lib, yo‘lovchilar va yuklarni tez va qulay tarzda ro‘yxatdan o‘tkazish imkonini beradi”, – deydi “Uzbekistan Airports” AJ Boshqaruvi raisining birinchi o‘rinbosari Javlon Umarxo‘jayev.

Ta’kidlash joizki, ushbu ijrochi ochiq tanlov tartib-taomillari natijalari asosida tanlangan. Sirena Travel kompaniyasining Astra DCS – yo‘lovchilar va bagajni ro‘yxatdan o‘tkazish jarayonining barcha zarur operatsiyalarini avtomatik ravishda bajarilishini ta’minlaydigan zamonaviy ko‘p tilli xosting tizim.

• Uzbekistan_Airports