Aqtau xalqaro aeroporti xalqaro parvozlarni qabul qilishni va amalga oshirishni yopganligi munosabati bilan joriy yil 5-yanvar kuni amalga oshirilishi rejalashtirilgan HY-9725/9726 Urganch – Oqtov – Urganch yo‘nalishi bo‘yicha muntazam qatnovlar bekor qilindi. Bu haqda Uzbekistan Airways Matbuot xizmati ma’lum qildi.

Kompaniya mazkur yo‘nalish bo‘yicha parvozlarni amalga oshirish kunlari haqida keyinroq qo‘shimcha ma’lumot taqdim etilishini aytmoqda.

Yo‘lovchilar 5-yanvar kuniga Aqtauga bekor bo‘lgan parvozlar aviachiptalarining to‘liq qiymatini chipta sotib olingan joyda qaytarib olishlari yoki boshqa sanaga bepul qayta bronlashlari mumkin. 

Eslatib o‘tamiz, 2-yanvardan  boshlab Qozog‘istonning turli hududlarida suyultirilgan gaz narxining oshishiga qarshi namoyishlar bo‘lib o‘tmoqda. 

• Aviaqatnov
• Qozog‘iston
• Uzbekistan airways