“O‘zbekiston havo yo‘llari” Milliy aviakompaniyasi 2023-yilning 8-iyunidan boshlab Qurbon hayitini nishonlash kunlari – 2023-yilning 28-iyunidan 2-iyuliga qadar amalga oshirilishi rejalashtirilgan ichki reyslar uchun barcha aviachiptalarga 50 foizlik chegirma taqdim etadi.

Chegirmadan foydalanishning batafsil shartlari quyidagicha:

Sotish muddati 2023-yil 8-iyundan 2-iyulgacha;
Tashish muddati 2023-yil 28-iyundan 2-iyulgacha;

Taklif etilayotgan chegirma:

kattalar uchun – xizmat ko‘rsatishning biznes va ekonom klasslariga individual tariflarning 50 foizi;
salonda joy egallagan 2 yoshdan 12 yoshgacha bo‘lgan bolalar va 2 yoshgacha bo‘lgan bolalar uchun – bolalarga chegirma bilan e’lon qilingan yo‘l haqining 50 foizi;
2 yoshgacha bo‘lgan va salonda o‘rindiqni egallamaydigan bolalar uchun bu chegirma qo‘llanilmaydi;
chegirmalarni birlashtirish taqiqlanadi.

Aviachiptalarni aviakompaniyaning rasmiy www.uzairways.com sayti, kompaniya ilovasi orqali, shuningdek, “O‘zbekiston havo yo‘llari” savdo filiallaridan xarid qilish mumkin.

• Hayit
• Uzbekistan airways