60 yoshdan katta erkaklar va 55 yoshdan oshgan ayollar uchun turizm oyligi munosabati bilan Uzbekistan Airways barcha ekonom klassdagi tariflarga 15 foizgacha chegirma e’lon qildi. Ushbu chegirma 2024-yil 1-noyabrdan 30-noyabrgacha amalga oshiriladigan mahalliy aviaqatnovlarga amal qiladi.

Shuningdek, chegirmali aviachipta xarid qilayotganda yoningizda O‘zbekiston Respublikasi fuqarosining pasporti yoki ID-kartasi bo‘lishi kerak.

“Yo‘lovchi va yuk tashish tariflariga qo‘shimcha ravishda turli soliqlar, yig‘imlar va to‘lovlar ham o‘rnatiladi. Ularga 15 foizgacha taqdim etiladigan chegirma amal qilmaydi”, – deya yozadi Uzbekistan Airways o‘zining rasmiy sahifasida.

• Uzbekistan airways
• chegirma