Shvetsiya va Turkiya o‘rtasida NATOga qo‘shilishi bo‘yicha tuzilgan memorandumda kurdlarni ekstraditsiya qilish ko‘zda tutilmagan. Bu haqda Shvetsiya tashqi ishlar vaziri Ann Linde matbuot anjumanida ma'lum qildi,

“Memorandumda roʻyxat yoki shunga oʻxshash narsa yoʻq. Lekin qilinadigan ishlar terrorizmga qarshi kurash sohasida hamkorlikni yaxshilashdan iborat. Madriddagi muzokaralarimiz davomida ham hech qanday raqamlar yoki aniq ro'yxatlar tilga olinmadi. Bilishimcha, hukumatga aniq ro‘yxatlar berilmagan”, – deydi vazir

Ann Lindening ta’kidlashicha, Ekstraditsiya bo‘yicha yakuniy qaror oliy sud tomonidan qabul qilinadi.

“Ekstraditsiya bo‘yicha barcha so‘rovlar qonunlarimiz asosida oddiy yo‘ldan o‘tadi va yakunda qarorlar oliy sud tomonidan qabul qilinadi. Biz Shvetsiya qonunchiligiga, xalqaro huquqqa bo‘ysunamiz”, – deydi Ann Linde

Avvalroq. Turkiya prezidenti Rajab Toyyib Erdo‘g‘on Turkiya hukumati tomonidan terrorchilik tashkiloti deb topilgan Kurdiston ishchilar partiyasining (PKK) 73 nafar a’zosi Turkiyaga ekstraditsiya qilinishini kafolatlaganini ma’lum qilgan edi.

“Shvetsiya terrorchilarni ekstraditsiya qilish boʻyicha va’da berdi, Ularning soni 73 nafarga yaqin. Bizga kafolatlar berildi". – degan edi Turkiya rahbari.

Ma’lumot o‘rnida, 29-iyun kuni NATOga a’zo davlat rahbarlari Bryusseldagi sammitda Finlandiya va Shvetsiyani alyansga qo‘shilishga rasman taklif qilishdi. Ittifoqdagi 30 davlatdan faqat Turkiya ularning Alyansga kirishiga qarshi chiqgan. Madriddagi sammitning birinchi kunida tomonlar shunga qaramay kelishuvga erishgan edi.

• NATO
• Shvetsiya
• Turkiya