Venesuelada prezidentlik saylovlarida e’lon qilingan natijalarga qarshi ommaviy norozilik namoyishlari boshlandi.

Namoyishchilar politsiya va harbiylar bilan to‘qnashgan. So‘nggi ma’lumotlarga ko‘ra, kamida ikki kishi halok bo‘lgan, o‘nlab odamlar jarohat olgan.

Prezident saroyi atrofidagi ko‘chalarni to‘sib qo‘ygan politsiya va harbiylar namoyishchilarga plastik o‘qlar va ko‘zdan yosh oqizuvchi gaz granatalarini otishni boshlagan.

Namoyishchilar Edmundo Gonsalesning 11 yildan beri hokimiyat tepasida bo‘lgan Prezident Nikolas Maduroni mag‘lub etgani haqida dalillar borligini da’vo qilmoqda.

Maduroning ta’kidlashicha, norozilik namoyishlari “zo‘ravonlikni kuchaytirishga” qaratilgan, uning so‘zlariga ko‘ra, muxolifat hokimiyatni qo‘lga kiritmoqchi.

Venesuela milliy saylov kengashi esa Maduro 51,2 foiz ovoz olganini aytib, uni prezident deb e’lon qildi.

• Namoyish
• Venesuela