26-mart kuni kechqurun Budapeshtda Vengriya bosh vaziri Viktor Orban va bosh prokuror Peter Poltning iste’fosini talab qilgan aholi tomonidan ommaviy miting o‘tkazildi.Bu haqda “Gazeta.ru” xabar berdi.
Qayd etilishicha, namoyishda bir necha ming kishi qatnashgan. Namoyishchilar bosh prokuraturadan parlamentga “Iste’foga, iste’foga” deb qichqirgan holda yurish qilishdi, ularning ko‘pchiligi mash’ala ko‘targan.
Aksiya mamlakat rasmiylarini poraxo‘rlik haqidagi ishga aralashishga urinishda ayblagan sobiq amaldor Peter Madyarning chaqirig‘i bilan tashkil etilgan. U o‘zining sobiq rafiqasi va Vengriya adliya vaziri Yudit Varga bilan suhbati yozuvini e’lon qilgan, unda u Orbanning vazirlar mahkamasi yordamchilarining hukumat poraxo‘rlik ishi bo‘yicha hujjatlarning bir qismini olib tashlashga uringani haqida batafsil ma’lumot bergan.
Shuningdek, agentlikning qayd etishicha, 43 yoshli Madyar bosh vazirga qarshi chiqish uchun yangi partiya tuzmoqchi.
“Vengerlar… bugun oqshom minglab bo‘lib kelganingiz uchun… hukumatga sabrimiz tugadi deb aytish uchun kelganingiz uchun rahmat”, – dedi u mitingda namoyishchilarga.
Agentlikning ta’kidlashicha, bu ayblovlar Orban uchun iyun oyida bo‘lib o‘tadigan Yevropa parlamentiga saylovlar oldidan siyosiy jihatdan nozik bir paytda yangragan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!