2024-yil 25-aprelda Yevropa Ittifoqi tomonidan O‘zbekiston Hukumatiga 6 million yevro (82 milliard so‘mga yaqin) mablag‘ ajratildi. Bu mablag‘ mamlakatning qishloq xo‘jaligi sohasida islohotlar olib borilishini rag‘batlantirish va makro-iqtisodiy barqarorlikni saqlab qoldishda ilg‘or natijalar ko‘rsatgani sababli taqdim etildi.

6 million yevro miqdoridagi grant, Milliy Oziq-ovqat Xavfsizligi va Sog‘lom oziqlanish strategiyasi va Dastur byudjetlashtirish bo‘yicha qo‘llanmalar kabi, asosiy qadriyatlarning qabul qilinishini qo‘llab-quvvatlashda yordam berdi. Grant bilan birgalikda, qishloq xo‘jaligi vazirligini islohotlar rejalashtirishida Yevropa Ittifoqi texnik yordamini ko‘rsatdi.

Yevropa Ittifoqi va O‘zbekiston hukumati o‘rtasidagi kelishuvga ko‘ra, 2020-2030-yillarga mo‘ljallangan Milliy Qishloq xo‘jaligini rivojlantirish strategiyasi amalini qo‘llab-quvvatlashga jami 20 million yevro ajratilishini ko‘zda tutganligi sababli, joriy va kelgusi yilda qo‘shimcha grantlar kutilmoqda. Umumiy maqsad – O‘zbekiston xalqini ko‘proq ish o‘rinlari va daromadlar bilan ta’minlaydigan bozorga olib chiqish, xavfsiz va to‘yimli oziq-ovqat mahsulotlari, shuningdek, barqaror qishloq-oziq-ovqat sektoridan foydalanish imkoniyatlarini kengaytirishdan iborat.

“Qishloq xo‘jaligi sektori O‘zbekiston iqtisodiyoti uchun juda muhim va fuqarolarni ish bilan ta’minlaydigan asosiy manba hisoblanadi. Qolaversa, oila fermerlar, O‘zbekiston fuqarolari tomonidan iste’mol qilinadigan go‘sht va sabzavotlarning asosiy qismi yetishtiriladi. Shu bois, biz ushbu dehqon xo‘jaliklarining rivojlanishi, o‘zgaruvchan iqlim sharoitiga moslashishi, atrof-muhitni muhofaza qilishi, sog‘lom oziq-ovqat mahsulotlarini yetishtirishi hamda mahalliy va global qiymat zanjirining bir qismiga aylanishiga imkon beradigan islohotlarga e’tibor qaratmoqdamiz.

Grant mablagʻlari Yevropa Ittifoqining GSP+ kabi boshqa tashabbuslari bilan bir qatorda, Yevropa Ittifoqiga eksport hajmini oshirishga yordam beradi”, - deya ta’kidlaydi Yevropa Ittifoqining O‘zbekistondagi elchisi Sharlotta Adrian.

Barqaror qishloq-oziq-ovqat sektori Yevropa Ittifoqining O‘zbekiston uchun uzoq muddatli indikativ dasturining (2021-2027-yillar) uchta strategik ustuvor yo‘nalishlaridan biridir. Boshqa ustuvor yo‘nalishlar yaxshi boshqaruv va inklyuzivlik, shuningdek ekologik va raqamli o‘sishlarda mavjud. Dastur doirasida 2021-yildan buyon O‘zbekistonga deyarli 76 million yevro (taxminan 1 trillion so‘m) ajratildi.

Yevropa Ittifoqi Oʻzbekistonning agro-oziq-ovqat sektori uchun asosiy ta’minotchi hisoblanadi. 20 million yevro miqdoridagi grantlarni taqsimlashdan tashqari, Yevropa Ittifoqi 2020-2023-yillar oralig‘ida sektorni 32,5 million yevro ajratib keladi.

• Yevropa Ittifoqi