Prezident Shavkat Mirziyoyevning “Astrum” akademiyasidagi IT sohasi vakillari bilan muloqoti davom etmoqda. Davlat rahbari yoshlarga eʼtibor kuchaytirilib, ozroq sharoit yaratib berilsa, IT sohasini yanada yuqoriroq pogʻonalarga olib chiqish mumkinligiga ishonch bildirdi.

“Bugungi muloqotimizni oʻtkazish uchun “Astrum” akademiyasini bejizga tanlamadim.

Bu yerda yuzlab yoshlar eng zamonaviy dasturlash koʻnikmalarini egallayotgani, ayniqsa, oʻqish davomidayoq daromad topayotgani quvonarli albatta.

Boshqa hududlarda ham bunday IT akademiyalar tashkil qilish istagida boʻlganlarning tashabbuslarini har tomonlama qoʻllab-quvvatlaymiz, barcha masalalarini hal qilib beramiz”, dedi davlat rahbari.

Prezident viloyat hokimlariga bir oy muddatda bu yerga kelib, barcha sharoit va imkoniyatlarni koʻzi bilan koʻrib, oʻz hududida kamida 1 tadan shunday IT akademiya tashkil etish loyihasini boshlash vazifasini topshirdi.

• Prezident
• hokim
• viloyat