Volodimir Zelenskiy 2022-yilning eng yaxshi odami deb topildi.

Boshqa finalchilar orasida Erondagi namoyishchilar, Xitoy rahbari Si Tszinpin va AQSh Oliy sudi ham bor edi.

Jurnalda Zelenskiy ukrainaliklarni ilhomlantirgani va Rossiya bosqiniga qarshilik ko‘rsatgan jasorati uchun xalqaro miqyosda tan olingani aytilgan.
Ma’lumotlarga ko‘ra, mukofot so‘nggi 12 oy ichida global voqealarga eng ko‘p ta’sir ko‘rsatgan voqea yoki shaxsga beriladi.

Keltirilishicha, “Ukraina ruhi” ham mukofotga loyiq korilgan, “Ukraina ruhi” deganda butun dunyo bo‘ylab ukrainaliklar, jumladan, “sahna ortida kurashgan” ko‘pchilik ham nazarda tutilgan.

Bunga ukrainaliklarni minglab tekin ovqat bilan ta’minlagan oshpaz Ievgen Klopotenko va qo‘lga olingan shifokor Yuliya Payevska kabi odamlar kiradi.

Urushda jabrlanganlarga yordam berish uchun Ukrainaga borgan britaniyalik travmatolog Devid Nott jurnalning muqovasida suratga tushgan yana bir qancha kishilardan biridir.

Bundan tashqari Eron ayollari nashrning 2022 yil qahramonlari bo‘ldi va Blackpink K-pop guruhi jurnalning yilning eng yaxshi ko‘ngilochar guruhi deb tan olindi.

Shuningdek, amerikalik beysbolchi Aaron Judj “Yilning eng yaxshi sportchisi”, malayziyalik aktrisa Mishel Yeox esa “Yil ikonasi” deb topildi.

• Ukraina
• Zelenskiy