31°
Kechasi 18°
2025-yil 13-aprel kuni Turkiya OAV va ijtimoiy tarmoqlarda O‘zbekiston fuqarosi o‘z turmush o‘rtog‘ini iqtisodiy muammolar sababli o‘ldirgani haqida xabarlar tarqaldi.
Ushbu holat yuzasidan O‘zbekiston Respublikasining Istanbul shahridagi Bosh konsulxonasi, fuqaroning yaqin qarindoshi — xususan, xolasi bergan ma’lumotlariga tayangan holda quyidagilarni ma’lum qildi:
“Haqiqatan ham, vatandoshimiz mazkur voqea yuzasidan gumonlanuvchi sifatida huquqni muhofaza qiluvchi organlar tomonidan ushlangan.
Dastlabki ma’lumotlarga ko‘ra:
– Vafot etgan Turkiya fuqarosi spirtli ichimlik iste’mol qilgan;
– U o‘zbekistonlik turmush o‘rtog‘iga nisbatan muntazam ravishda jismoniy va ruhiy bosim o‘tkazib kelgan.
Voqea sodir bo‘lgan vaqtda xonada boshqa shaxslar ham bo‘lgan. Dastlabki tergovga ko‘ra, marhum ayolni bo‘g‘ayotgan paytda orqa tomondan pichoq bilan jarohatlangan. Bu esa uni boshqa shaxs tomonidan pichoqlangan bo‘lishi ehtimolini istisno etmaydi.
Hozirda vatandoshimizga zarur konsullik-huquqiy yordam ko‘rsatilmoqda va unga advokat biriktirilgan.
Mazkur holat Bosh konsulxona tomonidan nazoratga olingan”, – deyiladi konsulxonasi xabarida.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
