Xitoy tijorat transporti uchun mamlakatdagi eng yirik ikki dvigatelli uchuvchisiz samolyotni muvaffaqiyatli sinovdan o‘tkazdi.

Bu haqda Xitoy Markaziy televideniyesi xabar berdi. 11-avgust kuni Xitoy tomonidan mustaqil ravishda ishlab chiqilgan yirik ikki dvigatelli uchuvchisiz transport samolyoti birinchi parvoz sinovlarini Tszygun shahridagi Fengming umumiy aviatsiya aeroportida o‘tkazgan va u muvaffaqiyatli deb topilgan.

Sinovlar taxminan 20 daqiqa davom etgan. Yangi turdagi yuk UAV qanotlari 16,1 m, balandligi 4,6 m, 12 kubometr yuk maydoni va 2 tonna tijorat yuk ko‘tarish qobiliyatiga ega. Ushbu samolyot Xitoyda ishlab chiqarilgan eng yirik uchuvchisiz transport samolyotiga aylandi.

• Samolyot
• Xitoy
• dron
• texnologiya