Xitoy Global Internet tarmog‘ini yaratish uchun Qianfan sun’iy yo‘ldoshlarining beshinchi guruhini ishga tushirdi.

Xitoy kosmosga beshinchi sun’iy yo‘ldosh guruhini yubordi. Ta’kidlanishicha, ular Amerikaning SpaceX Starlink’ga raqib sifatida yerning past orbitasida yaratilgan “Qianfan” (Spacesail) tarmog‘ining bir qismi bo‘ladi.

Xitoy aerokosmik fan va texnologiya korporatsiyasi (CASC) bayonotiga ko‘ra, 18 ta sun’iy yo‘ldoshdan iborat guruh Xaynan orolidagi tijorat kosmodromidan Long March-8 Y6 raketasi yordamida uchirilgan.

Sun’iy yo‘ldoshlar belgilangan orbital pozitsiyalarga kirgan uchirish Long March raketalari uchun 563-muvaffaqiyatli missiya bo‘lgani aytilmoqda.

Qianfan qurilmalari Shanxay sun’iy yo‘ldosh texnologiyalari kompaniyasi Spacecom (SSST) tomonidan ishlab chiqilgan.

• Xitoy