Mazkur nodir metallar va magnitlar butun dunyo bo‘ylab avtomobil ishlab chiqaruvchilari, yarimo‘tkazgichlar sanoati, aerokosmik texnika ishlab chiqaruvchilari hamda harbiy pudratchilar uchun zarur hisoblanadi.

Nashrning yozishicha, Xitoy portlari orqali ushbu mahsulotlar eksporti to‘xtatilgan va bu holat Pekin yangi tartibga solish tizimini ishlab chiqquniga qadar davom etadi. Yangi tizim joriy etilgach, ayrim kompaniyalarga, jumladan Qo‘shma Shtatlarning harbiy pudratchilariga yetkazib berish taqiqlanishi mumkin.

“Cheklovlar Xitoyda to‘liq qayta ishlanadigan olti turdagi nodir metallar eksportiga, shuningdek, dunyo bo‘yicha 90 foizi aynan XXRda ishlab chiqariladigan nodir yer magnitlariga taalluqlidir. Endi bu mahsulotlarni Xitoydan faqat maxsus eksport litsenziyalari asosida olib chiqish mumkin bo‘ladi”, – deya xabar bermoqda NYT.

Qayd etilishicha, ushbu rasmiy cheklovlar 2-aprel kuni AQSh tomonidan joriy etilgan keskin boj stavkalari oshirilishiga javoban Xitoy tomonidan ko‘rilgan choralar doirasida amalga oshirildi.

• AQSh
• Davlat boji
• Eksport
• Xitoy
• cheklov