Xitoy Shanxay hamkorlik tashkiloti (ShHT) davlatlari bilan huquq sohasida hamkorlikni chuqurlashtirishga tayyor. Bu haqda Xitoy Xalq Respublikasi raisi Si Szinpin ShHTga a’zo davlatlar adliya vazirlari yig‘ilishi ishtirokchilariga yo‘llagan tabrik maktubida
ma’lum qildi.
“Xitoy ShHTga a’zo boshqa davlatlar bilan yangi davrda huquq va sud boshqaruvi sohasida almashinuv va hamkorlikni doimiy ravishda chuqurlashtirish uchun ishlashga tayyor”, deyiladi tabrik matnida.
Seshanba kuni Shanxayda Shanxay hamkorlik tashkilotiga a’zo davlatlar adliya vazirlarining o‘ninchi yig‘ilishi ochildi.
ShHT 2001-yilda tashkil etilgan xalqaro tashkilotdir. Unga Hindiston, Eron, Qozog‘iston, Xitoy, Qirg‘iziston, Rossiya, Tojikiston, Pokiston va O‘zbekiston kiradi. Kuzatuvchi davlatlar – Afg‘oniston, Belarusva Mo‘g‘uliston, hamkor davlatlar – Ozarbayjon, Armaniston, Kambodja, Nepal, BAA, Turkiya va Shri-Lanka. 2022-yil sentabr oyida Samarqandda bo‘lib o‘tgan ShHT sammitida Belarusni tashkilotga qabul qilish tartibini boshlash to‘g‘risidagi hujjat qabul qilingan edi.
31°
Kechasi 18°
