31°
Kechasi 18°
Bugun, 18-sentyabr kuni Sport vazirligida “Beijing Huatai United technology co., LTD” kompaniyasi rahbariyati bilan uchrashuv bo‘lib o‘tdi. Unda Toshkent-2025 yoshlar Osiyo o‘yinlaridan keyin Olimpiya shaharchasidagi obyektlardan samarali foydalanish kun tartibining asosiy mavzusi bo‘ldi.
Mazkur uchrashuvda Vazir Adham Ikramov, MOQ Bosh kotibi Oybek Kasimov, shirkat bosh direktori Sun Bodong ishtirok etgan.
Dastavval, Xitoy kompaniyasi o‘z tajribasidan kelib chiqqan holda mazkur inshootlardan samarali foydalanishga oid taqdimotini namoyish qildi. Unda sport va ichki turizmni o‘zaro uyg‘unlashtirgan holda shaharchani aholi uchun ko‘ngilochar maskanga aylantirish, majmuadagi maydonlardan samarali foydalanish, jarayonga sun’iy intellekt va innovatsion texnologiyalarni tatbiq etish kabi mavzular atroflicha ko‘rib chiqildi.
Taqdimot O‘zbekiston tomonining katta qiziqishiga sabab bo‘ldi. Yakunda mutasaddilar taklif uchun minnatdorchilik bildirib, bu loyiha soha mutaxassislari bilan batafsil o‘rganib chiqilishini ma’lum qilishdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
