Pekin AQShning sobiq prezidenti Donald Trampni “ikkiyuzlama siyosatchi” deb atadi, u Xitoyga nisbatan aytgan barcha gapni esa bo‘xton dedi. Xitoyning Tashqi ishlar vazirligi vakili Chjao Litszyan Oq uy sobiq rahbarining intervyusiga munosabat bildirdi.

“Shunga o‘xshash ikkiyuzlamachi siyosatdonlar, o‘ziga e’tiborni tortish niyatida, absurd hamda mantiqdan butunlay uzilgan gap-so‘z qiladi” – dedi diplomat.

Uning aytishicha, shunga o‘xshash siyosatdonlar “aybni boshqalarga to‘nkashga qancha urinmasin”, bor faktlarni o‘zgartira olmaydi.

Xitoy TIVi vakilining qayd etishicha, Trampning Pekin Vashingtonga doimiy iqtisodiy zarar keltirayotgani haqidagi gap “umuman to‘g‘ri emas”. “Xitoy-amerika munosabatlari ikkala taraf uchun ham manfaatli xarakter ustida qurilgan” – dedi Litszyan.

Eslatib o‘tamiz, avvalroq Tramp Fox news telekanaliga bergan intervyusida Xitoy AQSh iqtisodiga yiliga $500 mlrd zarar yetkazadi degan edi.

• AQSh
• Tramp
• Xitoy