Tayvan tashqi ishlar vazirining ta’kidlashicha, Xitoy o‘tgan hafta harbiy mashg'ulotlarini Tayvanga bostirib kirishga tayyorgarlik ko‘rish uchun boshlagan, AQSh spikeri Nensi Pelosining tashrifi shunchaki bahona bo‘lgan.

Vazir Jozef Vu bayonot bilan chiqib, Xitoy Xalq Ozodlik Armiyasi (PLA) o‘tgan hafta boshlangan harbiy mashqlarini xalqaro huquqni qo‘pol ravishda buzishda deya atadi.

Vuning ta’kidlashicha, Xitoyning ballistik raketalarni otishi boshqa mamlakatlarni bu janjalga aralashishdan to‘xtatadi, shuningdek, bu harbiy tayyorgarliklar Xitoyning yanada kengroq geostrategik niyatlari borligini ko‘rsatadi.

“Xitoyning asl maqsadi Tayvan bo‘g‘ozi va butun mintaqadagi statusni o‘zgartirishdir.”, – dedi Vazir.

Keltirilishicha, o‘tgan haftada PLA Xitoy va Tayvan o‘rtasidagi norasmiy chegara bo‘lgan median chiziq bo‘ylab 100 martalab dengiz va havo chegaralarini buzib o‘tgan.

• AQSh
• Pelosi
• Rossiya
• Tayvan
• Xitoy