Xitoyning Xaynan orolida mamlakatning birinchi universal koinot maydonchasi qurilishi yakunlandi. Bu haqda “China Daily” xabar berdi.

Qayd etilshicha, uchirish maydonchasi “Chanchjen”, “Kuaychjou” va “Szelun” suyuq raketa dvigatellari (LPRE) bilan 10 dan ortiq turdagi raketalar uchun tezkor ishga tushirish rejimi bilan jihozlangan. Bu samaradorlikni sezilarli darajada oshiradi va ishga tushirishga tayyorgarlik vaqtini qisqartiradi.

Ma’lumki, yangi Universal koinot porti bor-yo‘g‘i bir yarim yil ichida qurib bitkazildi va ishlar 2022-yil oktyabr oyida boshlangan.

Joriy yilda yangi uchirish maydonidan suyuq yoqilg‘ida ishlaydigan raketaning birinchi uchirilishi kutilmoqda.

Ishlagach, faqat tijoriy missiyalar uchun mo‘ljallangan uchish maydonchasi Xitoyning beshinchi yerusti maydonchasi bo‘ladi.

Loyiha Xitoyning Aerokosmik fan va texnologiya korporatsiyasi, Xitoy aerokosmik fan va sanoat korporatsiyasi va Xitoy sun’iy yo‘ldosh tarmog‘i guruhi ishtirokida amalga oshirilgan.

Obyektlar qurilishini Xitoyning aerokosmik qurilish guruhi amalga oshirgan.

Venchandagi Xaynan orolida tijorat maydonidan tashqari davlat kosmodromi ham mavjud (2009-yilda qurilgan va 2016-yilda foydalanishga topshirilgan).

• Koinot
• Xitoy