Xitoyda odamlar olomoni ustiga mashina haydagan odamning o‘lim jazosi ijro etildi. Hodisa 2024-yil noyabr oyida Chjuxay shahrida sodir bo‘lgan edi. Hodisa oqibatida jami 35 kishi halok bo‘ldi, yana 43 kishi yaralandi.

Politsiya haydovchini jinoyat joyidan qochishga uringanida hibsga oldi. Jinoyatchi 62 yoshli Fan Veytsyu bo‘lib chiqdi. 

Ushbu voqeadan so‘ng Xitoy Xalq Respublikasi raisi Si Szinpin aybdorni qattiq jazolashni talab qildi. Shuningdek, u jabrlanganlarga va halok bo‘lganlarning yaqinlariga yordam berishga chaqirdi.

20-yanvar kuni Xitoy Markaziy televideniyesi Guangdong provinsiyasidagi Chjuxay shahrining O‘rta bosqichli xalq sudi Oliy sud qaroriga muvofiq Fan Veytsyuga nisbatan chiqarilgan o‘lim jazosini ijro etganini xabar qildi.

• Jahon
• Xitoy