Hozirda Xitoyda yoshlar uchun “qariyalar uylari” mashhur bo‘ldi. U yerda odatdagi hayotdan charchagan yoshlar dam olishlari, ijodkorlik, baliq ovlash yoki meditatsiya bilan shug‘ullanishlari va odamlar bilan muloqot qilishlari mumkin.

Aytishlaricha, bunday muassasalarning aksariyat mijozlari 20 yoshdan 30 yoshgacha bo‘lgan yoshlarni tashkil etadi.

Ushbu muassasalarda kun ertalab qahva ichish bilan boshlanadi, keyin tog‘da meditatsiya seansi bo‘ladi. Tushlikdan so‘ng esa xohlovchilar dehqonchilik, daryoda baliq ovlash va umumiy oshxonada kechki ovqat tayyorlash bilan shug‘ullanishlari mumkin. Shuningdek, oqshomlari kechki suhbat, karaoke kabi ko‘ngilochar tadbirlar uyushtiriladi.

• Xitoy
• Yoshlar