Sentyabr va oktyabr oylarida iPhone 13 smartfonlari ishlab chiqarish hajmi rejalashtirilganidan 20 foizga, iPad planshetlariniki esa 50 foizga tushib ketgan. Bunga sabab sifatida zaruriy qismlar yetishmovchiligi hamda Xitoydagi elektr energiyasi sarfiga qo‘yilgan cheklov ko‘rsatilmoqda. Bu haqda Nikkei yapon nashri xabar bermoqda.

Qayd etilishicha, kompaniya “qismlar va mikrosxemalar yetishmasligi tufayli bayram kunlari ishlash hamda xodimlarga maosh berishdan ma’no ko‘rmagan”.  

Oktyabr oyida Apple rejalashtirilganidan 10 mln kam smartfon ishlab chiqarishi xabar berilgandi. Noyabrda esa kompaniya o‘zining planshetlari miqdorini keskin kamaytirdi, ularga ishlatilishi mumkin bo‘lgan mikrochiplar esa iPhone 13 smartfonlarida foydalanilgan.

• Apple
• Elektr energiyasi
• Xitoy