Bugun, 30-dekabr kuni Xitoyning BYD (Build Your Dreams) va “O‘zavtosanoat” AJ (UzAuto) yangi energiya manbaalarida xarakatlanuvchi avtomobillar ishlab chiqarish bo‘yicha Qo‘shma Korxona tashkil qilish kelishuvini imzoladi.

Qayd etilishicha, eng ommabop yangi energiya manbaalarida xarakatlanuvchi avtomobillar, jumladan, DM-i turidagi super gibrid modellar va ularning butlovchi qismlarini ishlab chiqaruvchi mazkur qo‘shma korxona O‘zbekistonda joylashishi rejalashtirilgan.

1995 yilga tashkil topgan BYD kompaniyasi xozirda dunyoning yetakchi yangi energiya manbaalarida xarakatlanuvchi avtomobillar ishlab chiqaruvchisidir. 27 yildan ziyod akkumulyator batareyalarini loyihalashtirish va ishlab chiqarish tajribasiga ega mazkur kompaniya jaxonda o‘zining yetakchi innovatsiyalari, jumladan, elektromobillar taʼminot zanjirini to‘liq egaligi bilan mashxur. BYD kompaniyasi o‘zi yaratgan dvigatelʼ va yurish sistemasi, akkumulyator batareyasi, elektr motor va ularni boshqaruvchi tizimlariga ega yagona kompaniyadir.

Avtomobillarni elektrfikatsiya yo‘nalishida xalqaro kompaniyalar bilan kuchli xamkorlik qilish ushbu kompaniyaning asosiy biznes strategiyasi xisoblanadi. 2022-yil noyabr oyi xolatiga ko‘ra BYD kompaniyasi 3 milliondan ortiq yangi energiya manbaalarida xarakatlanuvchi avtomobillarni dunyo bo‘ylab xaridorlarga yetkazib berdi.

“Biz UzAuto bilan O‘zbekistonda yangi energiya manbaalarida xarakatlanuvchi avtomobillarni ishlab chiqarishdek muxim jarayonda xamkorlik qilayotganimizdan mamnunmiz. O‘zaro manfaatli xamkorlik BYD strategiyasining asosiy negizi bo‘lib xuddi shu maqsad bilan xamoxang bo‘lgan kompaniya bilan xamkorlik qilish juda muximdir. Ushbu qo‘shma korxona orqali xaridorlarga o‘zimizning eng zamonaviy maxsulotlarimizni va texnologiyalarimizni ishlab chiqarib yetkazib berishni maqsad qilganmiz”, – dedi BYD Europe va Xalqaro Hamkorlik Boshqarmasi boshqaruvchi direktori Maykl Shu Yangi qo‘shma korxonani tashkil etish chog‘ida.

“O‘zavtosanoat” AJ boshqaruv raisi, Shavkat Umurzoqov esa “BYD dunyoda yangi energiya manbaalarida xarakatlanuvchi avtomobillarni ishlab chiqaruvchi yetakchi kompaniyadir. BYD texnologiyasi bilan UzAuto ishlab chiqarish imkoniyatlarining uyg‘unlashuvi O‘zbekiston va qo‘shni davlatlarda yangi energiya manbaalarida xarakatlanuvchi avtomobillarni ommalashuvini jadallashtiradi. Qo‘shma korxona tashkil etish va eng ilg‘or texnologiyalarni o‘zlashtirish bizning kompaniyalarimizning uzoq muddatli strategik xamkorligining boshlanishidir. O‘zavtosanoat BYD kompaniyasi bilan xamkorlik qilishdan juda xam mamnun va ishonamizki, kelajakda ushbu xamkorlikni kengaytirishning juda ko‘p imkoniyatlari mavjud”, – dedi.

Yangi tashkil etilgan qo‘shma korxona orqali UzAuto va BYD kompaniyalari O‘rta Osiyoda va undan tashqari xududlarda yangi energiya manbaalarida xarakatlanuvchi avtomobillardan, ularning ekologik ustunliklaridan foydalanishni kengaytirish va bozorini yanada rivojlantirishni maqsad qilgan.

• Elektromobil
• UzAuto
• Xitoy