Xon Saroy Music – 2022-yilda Xon Saroy qurilish kompaniyasi homiyligida Alisher Uzoqov va mashhur 10 nafar bloger ishtirokida tashkil qilingan loyiha.

Loyihaning saralash bosqichida Oʻzbekistonning barcha viloyatlari va Qoraqalpogʻiston respublikasidan tashrif buyurgan isteʼdodli yoshlar ishtirok etishdi. 2000 ga yaqin yoshlarni oʻziga jalb qilgan 4 bosqichli loyihada kuchli 10 talik soʻnggi bosqichga yoʻl olgan.

Xon Saroy Musicʼning final bosqichiga yetib kelgan 3 ishtirokchiga Xon Saroy qurilish kompaniyasi tomonidan quyidagi sovgʻalar taqdim qilindi.

1-oʻrin sohibi Miyassar Dauletbayeva – 2 xonali uy va avtomobil, shuningdek “Xon Saroy Media” prodyuserlik kompaniyasi bilan hamkorlik qilish imkoniyati

2-oʻrin sohibi Noila Habibullayeva – 100 mln pul mukofoti va “Xon Saroy Media” prodyuserlik kompaniyasi bilan hamkorlik imkoniyati

3-oʻrin sohibi Jasurbek Subxanov – 50 mln pul mukofoti va “Xon Saroy Media” prodyuserlik kompaniyasi bilan hamkorlik imkoniyati

Kuni kecha ishtirokchilar Xon Saroy qurilish kompaniyasiga tashrif buyurib, oʻz sovgʻalarini qabul qilib olishdi.

1-oʻrin sohibasi Miyassar Dauletbayeva Xon Saroyning “Diplomat” loyihasidan 2 xonali uy va Nexia 3 rusumli avtomobilni qabul qilish chogʻida Xon Saroy kompaniyasiga va loyihaning barcha tashkilotchilariga minnatdorchilik bildirib oʻtdi.

Taʼkidlash joizki, gʻoliblarni aniqlashda shaffoflikni taʼminlash maqsadida ijtimoiy tarmoqlarda ovoz toʻplash usuli qoʻllanilmadi. Ovoz berish SMS-xabarnoma tarzida yoki kompaniya saytida yoʻlga qoʻyilib, soʻnggi yakuniy bosqich jonli efir orqali namoyish etildi.

“Xon Saroy Media” prodyuserlik markaziga 2022-yil avgust oyida Xon Saroy kompaniyasi boshchiligida Jasur Badalbayev va Shohruhxon ishtirokida asos solingan boʻlib, markaz rahbarligida shu vaqt oraligʻida 30 dan oshiq klip olingan, qoʻshiqlar bastalangan. Bu bilan birga Xon Saroy kompaniyasi oʻzbek sanʼatining rivojlanishiga, yoshlarning isteʼdodini namoyon qilishiga koʻmaklashmoqda.

Maʼlumot uchun, Xon Saroy qurilish kompaniyasi poytaxtimizda 12 ta loyihani amalga oshirgan va oshirib kelmoqda, ulardan 6 tasi xonadon egalariga allaqachon tantanali ravishda topshirilgan.

Batafsil maʼlumot uchun quyidagi raqamlarga qoʻngʻiroq qiling:

+998712007400

+998555017400

xonsaroy.uz

Telegram

Instagram

• Shou-biznes
• Tadbirkorlik
• mashhurlar