Xorazm viloyat sudlarining joriy yilning oʻtgan 9 oydagi faoliyati boʻyicha matbuot anjumani oʻtkazildi. Unda matbuot anjumanida viloyat maʼmuriy sudining sudyasi Umrbek Hasanov maʼmuriy sudlar faoliyati haqida maʼlumot berdi.

Unga koʻra, oʻtgan toʻqqiz oy davomida maʼmuriy sudlarda jami 1 ming 211 ta ishlari koʻrib tamomlangan boʻlib, bu koʻrsatgich oʻtgan yilning shu davriga nisbatan 1 ming 150 taga(51,2 %) kamaygan.

Shuningdek, ommaviy-huquqiy munosabatlardan kelib chiqadigan ishlarning 415 tasi, yaʼni 34,2 %i sayyor sud majlisida koʻrib chiqilishi taʼminlangan. Maʼmuriy sudlar tomonidan sud amaliyotida hokim qarorlarini haqiqiy emas deb topish boʻyicha 447 ta ariza koʻrib chiqilgan va shundan 260 tasi qanoatlantirilgan.

Keltirilishicha, bu toifadagi ishlarning eng koʻp 31,5 foizi Urganch tumaniga toʻgʻri kelgan. Haqiqiy emas deb topilgan hokim qarorlarining asosiy qismini turar joyga nisbatan egalik huquqini belgilash yoki bekor qilish hamda yer maydoni ajratishga oid ishlar tashkil qilgan.

• Sud
• hokim