21-iyun kuni Xorvatiya aholisi elektr ta’minotidagi uzilish tufayli liftda qulflanib qolgan. Bu haqda “Zakon.kz” xabar berdi.

Xorvatiyadan tashqari, Chernogoriya, Albaniya, Bosniya va Gersegovinaning ayrim hududlarida 40 daraja issiqda elektr ta’minotida katta uzilishlar yuz bergan, deb yozadi “Reuters”.

Xorvatiyada internet ishlamayapti, svetoforlar o‘chirilgan. Energetika korxonalari elektr energiyasi taqchilligini to‘xtatish uchun barcha ishlab chiqarish quvvatlarini ishga tushirgan. Biroq bu choralar yetarli emas. Sarayevoda tramvay va trolleybus yo‘nalishlari ham ishlamaydi.

Yuqorida tilga olingan davlatlarning yuqori mansabdor shaxslari hozircha OAV va ijtimoiy tarmoqlardagi sahifalarida izoh bermagan.

• Elektr energiyasi
• Xorvatiya